Локалните избори на 15 октомври беа одржани во конкурентно опкружување, оцени денеска Делегацијата на ЕУ во Скопје.
Во соопштението потсетуваат на прелиминарните заклучоци на набљудувачката мисија на ОБСЕ-ОДИХР, во кои се наведува дека темелните слободи на здружување и изразување генерално биле почитувани и покрај веродостојните наводи за прекршувања во предизборниот период.
„Властите треба ефективно да ги разгледаат препораките на ОБСЕ/ОДИХР. ЕУ е подготвена да помогне во овој процес“, се наведува во соопштението.
ЕУ ги повикува сите политички претставници да дејствуваат одговорно и сите институции да обезбедат услови за транспарентен и веродостоен изборен процес во вториот круг.
ЕУ исто така ги охрабрува ново избраните локални власти да придонесат во унапредување на европската агенда во земјата.