Косовски новинари денеска протестираат на централниот приштински плоштад „Скендербег“ поради физичкиот напад врз нивниот колега Вехби Кајтази, кој е главен и одговорен уредник на порталот „Инсајдери“.
Здружението на новинари на Косово наведе дека се протестира со цел „да се задржи медиумската слобода и безбедноста на новинарите“.
Кајтази синоќа беше нападнат во еден од приштинските локали. Има повреди на главата.
Осомничениот за нападот е приведен од страна на приштинската полиција.
Косовската Влада го осуди нападот, а Здржението на новинари на Косово во својата реакција потсети дека Кајтази и претходно бил „мета на напади и закани“.