Русија може да размести во Калининград дополнителен број од нејзините најнапредни ракети како одговор на американското воено присуство на Балтикот, јавуваат руските новински агенции, цитирајќи го шефот на парламентарната Комисија за одбрана Владимир Шаманов. Тој оцени дека стационирањето американска бригада во Полска е „забранета со меѓународните закони“. Станува збор за ракетните системи „Искандер“ кои имаат дострел над 500 километри и се многу прецизни. Тие можат да носат конвенционални или нуклеарни боеви глави.
