Петмина луѓе се убиени кога вооружени напаѓачи денеска почнале да пукаат кон возило во кое се превезувале шиити во градот Куета во југозападен Пакистан. Убиени се четворица патници во возилото и еден случаен минувач, додека двајца минувачи се ранети, информира полицијата.
Засега никој не ја презеде одговорноста за нападот, но сунитските екстремисти често го напаѓаат шиитското малцинство во провинцијата Балучистан, но и ширум Пакистан. Куета е главен град на Балучистан.