Тројца американски истражувачи ја добија Нобеловата награда за медицина за истражувањето на „внатрешниот часовник“ кај човекот. Добитници на годинашната награда се научниците Џефри Хол, Мајл Росбаш и Мајкл Јанг, соопшти денеска Нобеловиот комитет во Стокхолм.
Росбаш е од Универзитетот Брендис во Масачусец, Јанг од Рокфелер универзитетот во Њујорк, а Хол од Универзитетот Мејн.
Наградата од 9 милиони круни, односно 1,1 милиони американски долари е поради тоа што тие успеале да го изолираат генот кој го контролира нормалниот дневен биолошки ритам кај човекот.
Тројцата научници го спроведуваат истражувањето за спиењето од 1980 година.