Пресудата за случајот „Диво Насеље“ ќе биде изречена на 17 октомври откако денеска на рочиштето беа дадени завршните зборови на обвинетите и нивните адвокати. Во овој случај на 37 обвинети им се суди за тероризам и терористичка организација, за судирите со македонската полиција на 9 и на 10 мај 2015 година, во кумановско Диво Насеље.
Во престрелката загинаа осум полицајци, додека четириесетина беа тешко повредени. Убиени беа и десет лица од вооружената група. Доколку бидат прогласени за виновни, тие се соочуваат со затворски казни од 10 години до доживотен затвор.