Кривичниот совет на одделението за организиран криминал и корупција при Основниот суд Скопје 1, го одби како неосновано барањето за укинување на мерките за претпазиливост на поранешниот директор на УБК Сашо Мијалков, кој е обвинет од СЈО во случаите „Таргет“ и „Тврдина“.
Оттаму посочуваат привременото одземање на пасошот и обврската обвинетиот еднаш неделно да се јавува во судот – остануваат на сила.
Против ова решение, странките имаат право на жалба во рок од три дена до Апелациониот суд – Скопје.