Ураганот Марија уништи стотици куќи во Порторико

Ураганот Марија, најсилниот што го погоди Порторико во изминативе 80 години, уништи стотици домови, предизвика прекин на струјата на целиот остров и предизвика големи поплави. Тоа, според проценките, може да доведе до подлабока економска катастрофа на овааа американска територија. Најмалку девет луѓе загинале на Карипските острови во ударите на ураганот Марија што вчера го погоди Порторико со ветрови со брзина до 250 километри на час. Ова е втор пат во две недели Порорико да биде погоден од ураган. Гувернерот на Порторико Рикардо Росело го повика претседателот Доналд Трамп да прогласи вонредна состојба на островот.