Илјадници луѓе протестираа во главниот град на Чеченија во знак на поддршка за муслиманското малцинство во Бурма. На протестите пред централната џамија во Грозни присуствуваше и лидерот на земјата Рамзан Кадиров како и други владини претставници.
За време на протестот, кој беше пренесуван во живо на националната телевизија демонстрантите цитираа текст од куранот и ги повикаа муслиманите да се обединат. Тие извикуваа и Алах Акбар (Господ е голем) и држеа транспаренти со слики од припадници на муслимаското малцинство од Бурма првеземени од интернет. Околу 73 000 муслимани ја напуштија Бурма бегајќи од насилствата и влегоа во соседниот Бангладеш, соопшти агенцијата за бегалци на Обединетите нации.