Компанијата на Доналд Трамп се обидувала да постигне договор за недвижен имот во Москва додека беше во тек неговата кампања за претседател на САД при крајот на 2015 година и почетокот на 2016, објави Вашингтон Пост. Цитирајќи личности кои биле запознаени со проектот, весникот пишува дека инвеститори и компанијата на американскиот претседател имале потпишано писмо за намера со цел да изградат Трамп кула во Москва. Но, тие немале земјиште и дозвола за градба за да продолжат со проектот од кој се откажале во јануари 2016 година, пред да започнат партиските избори за претседателски кандидат, наведува весникот. Според весникот, не е јасно колку бил инволвиран и запознаен со преговорите и самиот Трамп. Ниту Белата куќа, ниту Трамп не дадоа коментар за пишувањето на Вашингтон Пост.
Фирмата на Трамп се договарала да гради кула во Москва?
Американскиот претседател Доналд Трамп.