Висок функционер од авганистанското министерство за здравство соопшти дека најмалку 20 луѓе се убиени во нападот на шиитската џамија во главниот град Кабул, за кој одговорна се смета екстремистичката група Исламска држава. Шефот на болницата во Кабул Мохамед Салим Расули рече дека 50 други, меѓу кои и деца, се повредени во денешниот напад. Полицијата соопшти дека двајца бомбаши самоубијци се разнеле на влезот на џамијата, додека двајца други упаднале во зградата. Нападот се случил за време на петочната молитва на верниците, а меѓу загинатите има и двајца полицајци.