Приведениот за убиство на двајца луѓе во напад со нож во градот Турку во западна Финска е под истрага за тероризам, соопшти денеска полицијата.
„Поради информациите добиени во текот на ноќта, нападот во Турку се истражува како убиство со можна терористичка намера“, соопшти Националното истражно биро.
Напаѓачот е 18-годишен Мароканец. По вчерашниот напад, тој беше застрелан, уапсен и моментално е хоспитализиран.
Четворица други луѓе се уапсени во врска со случајот, иако нивното учество во инцидентот е нејасно.
Двајцата загинати се фински државјани, додека меѓу осумтемина повредени има еден Италијанец и двајца Швеѓани.