Американскиот Сенат почнува дебата за здравствената заштита

Американскиот Сенат изгласа продолжување на дебатата за реформа на системот за здравствена заштита, односно за заменување на таканаречениот „обамакер“. Сенатот со 51 глас „за“ и 50 „против“ ја мина процедуралната пречка што претставува победа за американскиот претседател Доналд Трамп. Сенаторот Џон Мекејн, кој се бори со канцер, учествуваше во гласањето. Едно од клучните предизборни ветувања на Трамп беше токму замената на обамакер, со кој над 20 милиони луѓе стекнаа здравствено осигурување.