Поранешниот генерален секретар на Владата, Кирил Божиновски за време на денешната седница во Апелациониот суд каде се разгледуваат жалбите на СЈО за случајот „Титаник“, изјави дека е невин и оти е неосновано барањето за притвор, бидејќи тој не влијаел на сведоци.
Тој порача и дека едвај чека да започне судскиот процес за да ја докаже неговата невиност. Од СЈО тврдат дека Божиновски влијаел на сведоци и дека постои опасност за негово бегство од земјата. Во судот во тек е разгледување на жлабата за екс министерот за транспорт и врски Миле Јанакиески, кој исто така е обвинет во случајот.