Рускиот претседател Владимир Путин е цел на критика, но и на пофалби на интернет по неговиот коментар за јазиците на етничките заедници во автономната република Мари Ел, која е во состав на неговата земја. Тој при посетата на Мари Ел, сугерираше дека етничките Руси биле принудени да учат јазик кој не им е мајчин, како и тоа дека биле скратени часовите по руски јазик во училиштата во земјата. Според него, нема потреба етничките руси да ги учат јазиците на малцинствата во регионот каде тие имаат мнозинство.