Тргна поворката со посмртните останки на жртви од геноцидот во Сребреница

Поворка од камиони со посмртните останки на 71 жртва на геноцид во Сребреница тргна од Високо кон Поточари, каде што на 11 јули ќе бидат закопани во колективната гробница. Најмладата жртва која ќе биде закопана е 15 годишниот Дамир Сулјиќ, а најстарата е Алија Салиховиќ, роден 1923 година. Колоната со камиони застана во Сараево пред зградата на претседателството на Босна и Херцеговина, а насобраните граѓани и политичари им одадоа почит и положија цвеќе. По овогодинешното заедничко закопување во комплексот во Меморијалниот центар Поточари ќе бидат закопани вкупно 6574 жртви.