Истрага за тоа дали Трамп се обидел да ја спречи истрагата за Русија

Американскиот специјален советник Роберт Милер почнал истрага за тоа дали претседателот Доналд Трамп се обидел да ја попречи правдата во врска со истрагата на ФБИ за руското мешање во претседателските избори лани, пишува весникот „Вашингтон пост“. Истрагата во попречувањето на правдата, кое е кривично дело во САД почна неколку дена откако Трамп го отпушти поранешниот директор на ФБИ Џејмс Коми и претставува клучна пресвртница во случајот кој стартува пред една година со истрагата за можното руско влијание врз изборите.