Кина почна да создава мрежа на воени бази во странство. По првата формирана во Џибути, Африка, Пекинг ќе сака да отвори воена база и во Пакистан, предвидува Пентагон. Притоа се оценува дека Кина тоа ќе почне да го прави и во другите земји со кои има долгорочни пријателски односи, како и стратегиски интереси. Кинеската воена експанзија, како што се додава, е дел од пошироката иницијатива за изградба на нов трговски „Пат на свилата“, односно пристаништа, патишта и железница низ Азија, Африка и Европа.
