Американските власти соопштија дека во престрелка во индустриски регион во Орландо, Флорида загинале повеќе лица. Окружниот шериф на Твитер напиша дека ситуацијата е ставена под контрола. Неколку патишта во Орландо се затворени откако полицијата реагирала по престрелката. Се уште не се знае за колку жртви станува збор и за каков напад се работи. Орландо беше цел на масовен напад на вооружен маж кој уби 49 лица во геј клуб во јуни минатата година.