Лидерите на групата седум индустриски развиени земји се среќаваат со претседателите на земјите од Африка, на вториот и последен ден од нивниот состанок што се одржува во Сицилија.Лидерите на Етиопија, Кенија, Нигерија и Тунис се приклучија на Г7 денеска во градот Таормина. Повеќе од половина милион африкански мигранти го поминаа Средоземното море и пристигнаа во Италија од 2014 година досега во обид да пронајдат подобар живот во Европа.
Вчера лидерите на Британија, Канада, Франција, Германија, Италија, Јапонија и САД побараа да се направи повеќе за борбата против тероризмот и ги повикаа интернет провајдерите и сопствениците на социјалните медиуми да ги зголемат своите напори а контрола на екстремистичките содржини. Тие исто така рекоа дека има согласност за неколку надворешно политички прашања меѓу кои Сирија, Либија и Северна Кореја.
Како и да е продолжија поделбите за климатските промени, а американскиот претседател Доналд Трамп на своите колеги од Г7 им кажал дека се уште нема одлучено дали да го поддржи договорот од 2015 година од Париз за намалување на емисиите на штетни гасови.