СДСМ соопшти дека Централниот одбор едногласно ги поздравил, како што се наведува, достоинственоста, храброста и мудроста на чекорите и политиките на нивниот претседател Зоран Заев, на раководството на партијата и на пратеничката група на СДСМ и коалицијата. Тоа, според ЦО на СДСМ, резултира со отворена можност за формирање нова влада на Македонија. Заев на седницата истакнал дека по 11 години СДСМ ја доби честа и одговорноста од граѓаните да ја предводи новата демократска, реформска Влада на заедничка, унитарна, европска Република Македонија, којашто ќе обезбеди квалитетен живот за сите граѓани. „Наш приоритет остануваат граѓанските и државните интереси, ве повикувам да ја продолжиме сериозната посветеност кон овие клучни цели“, изјавил Заев.
Заев најави скорашни преговори за формирање влада
Од средбата на лидерот на СДСМ Зоран Заев, Радмила Шеќеринска и Оливер Спасов со заменик помошникот државен секретар на САД за Европа и Евроазија Хојт Брајан Ји, Скопје, 01.05.2017.