Портпаролот на СДСМ Петре Шилегов денеска изјави дека поседуваат сериозни докази коишто упатуваат дека во четвртокот во Собранието било извршено кривичното дело „терористичко загрозување на уставниот поредок и безбедноста“, додавајќи дека станува збор за прекршување на член 313 од Кривичниот законик. Toj рече дека СДСМ бара Министерството за внатрешни работи и Јавно обвинителство, да не одолговлекуваат и веднаш да почнат со утврдување на одговорноста за инцидентот во македонското Собрание.
Шилегов посочи дека имаат фотографии, видео материјали и други докази и оти знаат кои се лицата кои со и без маски извршиле обид за убиство на пратеници во Собранието, и напаѓаa новинари и вработени во Собранието.
"Доказите ќе ги доставиме до надлежните институции. Укажуваме, Министерството за внатрешни работи и државното Јавно обвинителство, да не одолговлекуваат и да не бараат оправдувања на третиот ден по инцидентите, и веднаш да постапат, по службена должност, за утврдување на одговорноста ", рече Шилегов.
Портпаролот на СДСМ додаде дека нападот на пратениците, новинарите, како и нападот на Собранието како државна институција е загрозување на уставниот поредок и безбедноста и дека за тоа мора да има одговорност, како за нарачетелите така и за извршителите.