Рускиот претседател Владимир Путин му честита на турскиот претседател Реџеп Таип Ердоган за победата на референдумот. Во телефонскиот разговор со Ердоган рускиот претседател разговарал и за засилените напори за нормализација на врските и го истакнал значењето на заедничката работа на засилување на примирјето во Сирија, потврди и портпаролот на Кремљ Дмитриј Песков. Како што е наведено, двајцата претседатели разговарале и за меѓународната истрага по повод наводниот напад со хемиско оружје во Сирија.