Американскиот претседател Доналд Трамп му порача на севернокорејскиот лидер Ким Џонг Ун дека треба „добро да се однесува“ во момент кога САД заземаат построг став спрема ракетните и нуклеарни програми на Пјонгјанг. Во текот на вчерашната посета на демилитаризираната зона меѓу двете Кореи американскиот потпретседател Мајк Пенс повтори дека Соединетите држави не исклучуваат ниту една опција кога е во прашање Северна Кореа.