Руски истражители велат дека пребарувале стан во Санкт Петербург каде живееле голем број на лица од Централна Азија кои имале контакт со Акбарјон Јалилов - осомничениот за бомбашкиот напад во метрото. Федералниот истражен комитет денеска соопшти дека се најдени „предмети кои се значајни“ за истрагата. Други детали не се објавени.
Во меѓувреме новинските агенции Интерфакс и Фонтанка цитираа неименувани извори како велат дека властите уапсиле неколку можни соучесници во бомбашкиот напад од 3 парил, но засега нема официјална потврда од властите.
Претходно денеска беше соопштено дека експлозивна направа била пронајдена во стан во Санкт Петербург и била деактивирана откако зградата била евакуирана. Немало моментални индикации за поврзаност со експлозивната направа и бомбашкиот напад во метрото.