Очекуваме во понеделник да се избере нов претседател на Собранието кој ќе го извести претседателот на државата Ѓорге Иванов дека е должен веднаш да ми го даде мандатот за состав на новата реформска Влада, изјави лидерот на СДСМ Зоран Заев по денешната средба со амбасадорката на Босна и Херцеговина Лепа Бабиќ, соопштуваат од СДСМ.
На состанокот тие рзговарале за потребата од брза разврска на политичката криза. Заев вели дека имаат обезбедено двотретинско парламентарно мнозинство од 67 пратеници и програма на новата реформска Влада за унитарна Македонија и оти никој не смее да ги блокира институциите за лични цели.