Лидерот на СДСМ, Зоран Заев, пристигна во Основното јавно обвинителство Скопје, каде треба да даде исказ во врска со отворениот предмет против него за изборни измами и злоупотреби на службените овластувања во вршење на функцијата на поранешни високи функционери во МВР и други луѓе од Скопје, Куманово и Струмица.
Заев во обвинителството дојде заедно со неговиот адвокат, Ване Андреев.
Во вчерашното соопштение на ОЈО беше наведено дека делата за кои се водат постапките се вршени во текот на 2014 и 2016 година. Според Основното јавно обвинителство постојат основи на сомнение дека лицата вршеле влијание врз начинот на гласањето преку различни форми за време на изборите.