Американскиот државен секретар Рекс Тилерсон ја повика Северна Кореја да се откаже од нуклеарната програма и посочи дека Пјонгјанг „не треба да се плаши од САД“. Тилерсон ова го изјави по средбата со јапонскиот министер за надворешни работи Фумио Кишида во Токио. Тилерсон истакна дека е потребен „нов пристап “ по дводецениските, како што ги нарече, неуспешни напори за да „ се доведе Северна Кореја до момент во кој нема да има нуклеарна програма“
Тилерсон на првото патување во Азија како американски дипломат не посочи детали за тоа каква е стратегијата на администрацијата на Трамп по ова прашање.