Денеска во Сараево се одржува состанок на премиерите на земјите од Западен Балкан. Целта на самитот е приближување на овие земји кон Европската унија и разговор за регионалните проекти кои се однесуваат на транспортната и енергетската инфраструктура, како и соработката во областа на младите и образованието. Учеството на самитот го потврдија премиерите на Македонија, Србија, Црна Гора и Косово. На состанокот треба да учествува и еврокомесарот Јоханес Хан, како и претставник на Италија, земја домаќин на самитот на земјите од Западен Балкан што во јули годинава ќе се одржи во Трст.
