Путин наскоро ќе одобри руски борбени авиони за Србија

Српскиот министер за одбрана Зоран Ѓорѓевиќ изјави дека очекува рускиот претседател Владимир Путин наскоро да ја одобри испораката на шест борбени авиони од типот Миг 29 за Србија. Според него, одобрувањето на авионите кои Србија ќе ги добие бесплатно било само формалност. Договорот за испораката беше постигнат за време на минатогодишната посета на премиерот Александар Вучиќ на Москва.