Израел-Иран пречка за мировните преговори за Сирија

Израелскиот премиер Бенјамин Нетанјаху му кажал на рускиот претседател Владимир Путин дека никогаш не може да има мир во Сирија додека Иран ги остава советниците и војската таму.Нетанјаху рече дека со Путин разговарале за прашањето за Иран, нивните цели и интенции во Сирија и дека тој јасно кажал дека не може да има мировен договор за Сирија ако Иран е таму и ја најавува својата намера да го уништи Израел. Тој ова го рече во видео снимка објавена од неговиот кабинет денеска, ден по средбата на двајцата лидери во Москва. Изјавата следува и откако Путин по состанокот рече дека загриженоста на Израел е застарена и се чини дека потекнува од непријателството на античка Персија кон Израел пет века пред нашата ера, факт кој го спомена и самиот Нетанјаху во контекст на тоа дека Иран се уште преставувал закана. Ние сега живееме во поинаков свет, ајде да зборуваме за сега, рече Путин.