Германскиот министер за надворешни работи Зигмар Габриел денеска ја предупреди Русија за опасноста од нова трка во вооружување предизвикана од конфликтот во источниот дел на Украина, и ја повика Москва на намалување на бројот на конвенционално оружје.
Тој во својот говор по средбата во Москва со неговиот руски колега Сергеј Лавров, истакна дека се согласни оти има потреба од продолжување на разговорите меѓу Русија, Украина, Германија и Франција, за целосно решавање на конфликтот меѓу украинските безбедносни сили и сепаратистите поддржани од Русија во источниот дел на Украина.
Германија со околу 4 илјади војници во НАТО кои се распределени во балтичките земји и Полска, каде што руската агресија во Украина ја зголеми загриженоста за нејзините намери во регионот.
Во меѓувреме Русија постави десетици илјади војници во регионите околу границите со западните држави.