Викиликс денеска објави илјадници документи, кои како што соопшти, се од Центарот за сајбер безбедност на ЦИА. Автентичноста на документите се уште не е потврдена, а ЦИА одби да даде коментар. Но, експертите, кои почнале да ги анализираат документите, соопштија дека тие најверојатно се легитимни. Доколку се докаже дека документите се автентични тоа ќе биде уште еден пробив на работата на американското разузнавање од страна на Викиликс и неговите соработници.