Увереност за добра соработка со САД за иранскиот нуклеарен договор

Шефот на Меѓународната агенција за атомска енергија Јукија Амано по неговата посета на Вашингтон изјави дека е уверен оти ќе има добра соработка со САД околу иранскиот нуклеарен договор и покрај острите критики на договорот што ги искажа претседателот Доналд Трамп. Тој во Вашингтон имаше разговори со американскиот државен секретар Рекс Тилерсон. Договорот постигнат во 2015 година меѓу Иран и шестте светски сили ги ограничува иранските нуклеарни активности во замена за олабавување на меѓународните санкции против Техеран. Но, Трамп овој договор го оцени како „најлош договор што некогаш бил постигнат“.