Турција како земја кандидат за членство во ЕУ треба да ги почитува највисоките демократски стандарди на Унијата, вклучувајќи ја и слободата на медиумите која е појдовна основа на секое демократско општество, изјави портпаролката на Европската комисија Маја Коцијанчич.
Таа го коментираше приведувањето на дописникот на германскиот весник „Велт“ во Анкара: „Ние внимателно ќе го следиме развојот на случајот и на другите предмети на приведување новинари во Турција“, рече Коцијанчич.
Весникот „Велт“ претходно информираше дека нивниот дописник е приведен од турската полиција под сомнение за учество во терористичка организација, неправилно користење на податоци и терористичка пропаганда.