Рускиот министер за надворешни работи Сергеј Лавров изјави дека воената неутралност на Шведска и Финска е од фундаментално значење за безбедноста на балтичкиот регион.
Лавров говореше денеска на заедничка прес-конференција со шведската министерка за надворешни работи Маргот Валстром.
„Ние го потврдивме нашето високо мислење за политиката на Шведска, како и на Финска, кои се придржуваат до неутралниот курс за воените прашања“, рече Лавров: „Тоа го гледаме како важен знак за регионалната стабилност на регионот на Балтикот и Европа во целина.“
Од друга страна Валстром рече: „Неутралната политика на Шведска со воените блокови е солидна.“
Јавната поддршка за Шведска и Финска за зголемување на врските со НАТО, дури и да се приклучат кон блокот, се зголеми, во услови на растечките тензии меѓу Русија и Европа, особено откако Русија го анектираше крим од Украина и по активната политичка и воена поддршка на Москва за сепаратистите во источна Украина.