Турскиот претседател Реџеп Таип Ердоган со митинг во градот Караманмараш денеска ќе ја почне кампањата за референдумот за промена на Уставот на Турција. Предложената реформа од 18 точки предвидува воведување на извршна претседателска власт, зголемување на брјот на пратеници од 550 на 600, намалување на минималната возраст за пратеник од 25 на 18 години и други измени.
Турскиот премиер Бинали Јилдирим испратил рачно напишани писма до 15 милиони млади избирачи во земјата, повикувајќи ги да гласаат со „да“ на референдумот на 16 април. Тој ги соопштил деталите за содржината на писмото на седница на Централниот извршен совет на владејачката Партија на правдата и развојот.