Американскиот шеф на ЦИА Мајк Помпео денеска во Анкара се сретна со турскиот премиер Бинали Јилдирим, соопштија од кабинетот на Јилдирим. На средбата се разговарало за поблиска соработка против тероризмот и организираниот криминал. Јилдирим на средбата побарал поддршка од САД за акциите против движењето поврзано со турскиот свештеник кој живее во САД Фетула Ѓулен, вклучувајќи во барањето и екстрадиција.
Анкара го обвинува Ѓулен за организирање на на неуспешниот државен удар во јули лани. Тој тоа неколку пати го негираше.
Ова е прва посета на друга земја на Помпео кој вчера пристигна во Турција, откако ја презеде функцијата. Тој се сретна и со турскиот претседател Реџеп Таип Ердоган како и со колеги од турските разузнавачки служби со кои разговараше за борбата против милитантната група Исламска држава во Сирија и Ирак.