Годишната програма за култура, која вчера ја објави Министерството за култура, според СДСМ е лична одмазда на министерката Елизабета Канческа-Милевска кон сите уметници, автори, интелектуалци, институции и организации кои ја критикуваат работата на Министерството за култура или учествувале во граѓанските протести.
„Во Програмата нема место за автори, драматурзи, режисери, писатели, визуелни уметници, добитници на значајни награди и остварувања и во земјата и во странство, што е недозволиво и несовесно, а такви се и политиките на оваа власт изминатите 10 години, изјави Роберт Алаѓозовски, претседател на Комисијата за култура на СДСМ.
Тој вели дека ќе ја преиспитаат законитоста на донесената Годишна програма на Министерството за култура и ќе има одговорност за прекршувањата на законите.