Властите во Италија денеска соопштија дека околу 30 луѓе се исчезнати откако лавина го затрупа малиот планински хотел во централниот регион кој беше погоден од земјотрес ден претходно.
Агенцијата АНСА цитира еден од спасувачите кој вели дека има и загинати, но нема детали, а властите ги негираа претходните извештаи во кои се наведуваше дека се пронајдени многу мртви.
Италијанските медиуми се повикуваат и на изјавата на Фабрицио Цурцио, шеф на одделот за цивилна заштита, кој вели дека во хотелот Ригопиано во Фариндола, имало околу 30 гости и вработени. Се уште не се знае дали земјотресот што се случи на 18 јануари ја предизвикал лавината. Централна Италија беше погодена од неколку земјотреси последниве месеци, меѓу кои и оној во август лани во кој загинаа околу 300 луѓе.