Меркел: ЕУ не треба вечно да се потпира врз поддршката на САД

Германскиот канцелар Ангела Меркел ги повика земјите членки на ЕУ да ја зголемат безбедноста, како и соработката во одбраната. Таа оцени дека тие не би требало веќе да се потпираат врз „вечната“ американска поддршка. „Уверена сум дека Европа и ЕУ мора да научат да бидат поодговорни во иднина“, рече Меркел за време на посетата на Брисел, додавајќи: „Наивно ќе биде секогаш да се поврзуваме со други кои би ги решиле проблемите во нашето соседство“.