Јапонскиот премиер Шинзо Абе денеска најави дека овој месец ќе го посети Перл Харбор со што ќе стане прв јапонски лидер што ќе отпатува на местото на јапонскиот напад врз САД со кој почна Втората светска војна на Пацификот.
„Би сакал да му ја покажам на светот решеноста дека ужасите на војната не смеат да се повторат“, рече тој.
Јапонската армија ја нападна американската воена база Перл Харбор на Хаваи на 7 декември 1941. Јапонските сили ја нападнаа базата со надеж дека ќе ја уништат американската воена моќ на Пацификот, но тоа доведе до вклучување на САД во Втората светска војна и порази на Јапонија четири години подоцна.
Посетата на Абе на 26 и 27 декември доаѓа седум месеци откако Барак Обама стана првиот американски претседател што за враме на мандатот ја посетил Хирошима, каде што САД ја фрлија првата атомска бомба.