Претседателот на Европскиот совет Доналд Туск ја поздрави победата на Александер ван дер Белен на претседателските избори во Австрија и оцени дека тоа ќе придонесе за зачувување на единството во Европа. Претседателот на Европскиот парламент Мартин Шулц пак оцени дека оваа победа е „тежок пораз на национализмот и антиевропскиот популизам“. Поранешниот претседател на Зелените дер Белен победи со 53,3 насто освоени гласови пред потпретседателот на австрискиот парламент и лидер на десничарската Слободарска партија Норберт Хофер за кој гласаа 46,7 насто.