Во Австрија денеска се одржува вториот круг од повторените претседателски избори. Право на глас имаат 6,4 милиони гласачи кои одлучуваат меѓу кандидатот на десничарската Партија на слободата Норберт Хофер и кандидатот поддржан од Зелената партија Александар ван дер Белен. Првите резултати ќе бидат соопштени по 17 часот. Гласањето се одвива според строги правила, на пример забрането е децата да ги придружуваат родителите на гласачкото место , а забрането е и фотографирање и снимање во тек на гласањето. Изборите во Австрија се одвиваат под голем меѓународен мониторинг, бидејќи победата на десничарскиот кандидат , како што претпоставуваат експертите, би можело да поттикне јакнење на десницата и во други европски земји.Врховниот суд на 1 јули нареди изборите да се повторат поради нерегуларности со гласачките ливчиња.
Втор круг од претседателските избори во Австрија
Постери со кандидатите за претседател на Австрија.