Рускиот претседател Владимир Путин упати наредба до министрите за одбрана и вонредни работи да испратат што поскоро мобилни болници во сирискиот град Алепо. Портпаролот на Кремљ, Дмитри Песков изјави дека Путин упатил наредба и до војската да обезбеди помош за жителите на градот. Русија и обезбедува воена помош на силите лојални на претседателот Башар ал Асад во обидот да ја преземат контролата врз Алепо од антивладините бунтовници.