Иранскиот министер за разузнавање, Махмуд Алави изјави денеска дека неговите агенти спречиле напад на милитантната група Исламска држава врз Техеран. Според него, терористичката група била идентификувана и ликвидирана, при што биле конфискувани и експлозиви. Алави не даде дополнителни информации за планираниот напад, ниту го откри идентитетот на осомничените. Иран е една од земјите која е меѓу главните непријатели на милитантната група.