Состанок на „Нормандскиот квартет“ за Украина

Шефовите на дипломатиите на Русија, Германија, Франција и Украина денеска во главниот град на Белорусија Минск ќе се состанат за да разговараат за конфликтот во источна Украина. Таканаречениот „Нормандски квартет“ е воспоставен по примирјето склучено во Минск во февруари минатата година. Имплементацијата на овој договор наидува на тешкотии особено поради тоа што украинските националистички пратеници се противат на гарантирањето поголема автономија на источните региони во земјата.