Кинеските државни медиуми јавуваат дека бројот на жртвите при падот на платформа на електрана во изградба во кинеската источна провинција Џиангси се искачил на 74.
Државната агенција Ксинхуа денеска јави дека 68 од 74 луѓе што загинале се идентификувани, а загинатите се на возраст меѓу 23 и 53 години. На платформата имало дваесетина работници кога паднала, а шефот на кинескиот инспекторат за безбедност пристигнал на местото за да се спроведе истрага. Смртоносните несреќи при градба се чести во Кина каде што постојат ниски стандарди за безбедност при работа.