Претседателските кандидати во Франција во кавга за Русија

Можните кандидати на француските конзервативци за претседател на државата Франсоа Фијон и Алан Жипе се скараа околу Русија на нивната последна дебата пред втората рунда од гласањето. Притоа Жипе го критикуваше својот ривал дека смета на врски со Кремљ. Наведувајќи дека рускиот претседател Владимир Путин имал добро мислење за Фијон, поранешниот премиер на Франција Жипе изјави дека ова се првите претседателски избори во земјата на кои рускиот претседател избира свој кандидат. Фијон е за отстранување на санкциите на ЕУ против Русија. Тој изјави дека Русија е опасна земја ако Западот продолжи да ја третира како во последните пет години.