Украинскиот претседател Петро Порошенко изрази увереност во продолжувањето на американската поддршката за Украина по телефонскиот разговор со новоизбраниот американски претседател Доналд Трамп за руската „агресија“.
Зборувајќи денеска на Самитот ЕУ-Украина во Брисел, Порошенко рече дека „Украина има силна двопартиска поддршка во американскиот Конгрес, како од републиканците, така и од демократите“.
„Не очекуваме никакви значителни промени во оваа поддршка“, додаде тој.
Трамп за време на неговата кампања зборуваше за помирувачки пристап кон Кремљ, па дури и навести дека би можел да ја прифати руската анексија на Крим. Порошенко рече дека Трамп го отворил прашањето за „руската агресија и нелегалната анексија на Крим“ во телефонскиот разговор неколку дена откако републиканскиот кандидат победи на претседателските избори во САД. Порошенко исто така рече дека имал и можност да му даде на Трамп многу детални информации за последните случувања во источниот дел на Украина и во Крим.